श्रीलंकाका नव निर्वाचित राष्ट्रपतिले गरे संसद विघटन, नोभेम्बर १४ मा निर्वाचन घोषणा
चितवन। श्रीलंकाका नवनिर्वाचित राष्ट्रपति अनुरा कुमारा देशानायकेले तत्काल आम निर्वाचन गराउने भन्दै संसद विघटन गर्नुभएको छ । राष्ट्रपति दिसानायकेले आगामी नोभेम्बर १४ मा आम निर्वाचन गर्ने गरि संसद विघटन गरेका हुन् । श्रीलंकामा पछिल्लो संसदअधिवेशन अगस्ट २०२० मा बोलाइएको थियो । संसद विघटन निर्वाचन घोषणा समयभन्दा ११ महिना अगाडि भएको छ ।
राष्ट्रपति चुनावको अभियानका क्रममा नै दिसानायकेले आफू विजयी भएमा तत्काल संसदविघटन गर्ने कुरा स्पष्ट पारेका थिए । गत शनिबार भएको निर्वाचनको नतिजापछि राष्ट्रपति बनेका ५६ वर्षीय दिसानायकेले संसद भङ्ग गरेर निर्वाचनको मिति तोकेका हुन् । श्रीलंकाको नवौं राष्ट्रपतिको रूपमा सपथ ग्रहण गरेपछि उनले लोकतन्त्रको रक्षा र नेताहरूको सम्मान पुनर्स्थापना गर्नको लागि सक्दो प्रयास गर्ने विश्वास दिलाएका थिए ।
साथै, उनले आफ्नो उद्देश्य देशलाई आर्थिक संकटबाट निकाल्ने भएको बताएका थिए । उनले भने, ‘म जादूगर होइन, म यो देशमा जन्मेको एक आम नागरिक हुँ । मसँग क्षमता र असक्षमता छ । मलाई केही कुरा थाहा छ र केही कुरा थाहा छैन । मेरो पहिलो काम भनेको जनताको प्रतिभालाई सदुपयोग गर्नु र यो देशको नेतृत्व गर्न राम्रो निर्णय गर्नु हो । सामूहिक जिम्मेवारीमा योगदानकर्ता बन्न चाहन्छु ।’
संसद विघटन भएपछि कार्यवाहक मन्त्रीको रूपमा पनि काम गर्नुहुनेछ । वर्तमान मन्त्रिपरिषद् श्रीलंकाको इतिहासमा सबैभन्दा सानो मन्त्रीमण्डल हुनेछ । शनिबार भएको राष्ट्रपतीय निर्वाचन घोषणा देशानायके विजयी हुनु भएको हो ।
