२० चैत्र २०८१, बिहीबार | Email:- info@nepalrastrakhabar.com | marketing@nepalrastrakhabar.com
सिनामंगल गेष्ट हाउसमा मृत भेटिएकाहरू युवा–युवती नजिकका दाजु–बहिनी
Banner NewsBanner news (with photo)ताजा समाचारदेशबिचित्रसुरक्षा/अपराधस्थानीय तह

सिनामंगल गेष्ट हाउसमा मृत भेटिएकाहरू युवा–युवती नजिकका दाजु–बहिनी

काठमाडौं । काठमाडौँको सिनामंगल गेष्ट हाउसमा आज (शुक्रबार) दिउँसो मृत भेटिएका युवा–युवती नजिकका दाजु–बहिनी भएको खुलासा भएको छ ।

बाजुराको त्रिवेणी नगरपालिका–४ का २३ वर्षीय भरतबहादुर सार्की र सोही ठाउँकी १९ वर्षीया करिस्मा सार्की काठमाडौँ महानगरपालिका–९ शम्भुमार्गस्थित झर्ना गेस्ट हाउसमा मृत भेटिएका थिए ।

सिनामंगल गेष्ट हाउसमा शुक्रबार मध्याह्न १२ बजे होटलका मान्छे खाना खाने/नखाने भनेर बुझ्न उनीहरू बसेको कोठा पुगेका थिए । तर, लामो समयसम्म ढोका नखुलेपछि प्रहरीलाई खबर गरेका थिए ।

Nepal Himalayas Tours and Travel

जिल्ला प्रहरी परिसर काठमाडौंका एसपी नवराज अधिकारीका अनुसार घटनास्थलमा गेस्ट हाउसको कोठा नम्बर २०४ मा करिस्मा घाँटी काटिएको र भरत झुण्डिएको अवस्थामा मृत भेटिएका थिए । भित्रबाट ढोका बन्द गरेर बसेको र होटलका कर्मचारीले बोलाउँदा नआएपछि प्रहरीलाई खबर गरिएको थियो । प्रहरीले ढोका फोडेर हेर्दा उनीहरू दुवै मृत भेटिएको काठमाडौँ प्रहरी परिसरका प्रवक्ता एसपी नवराज अधिकारीले जानकारी दिए ।

प्रहरीले घटनास्थलको मुचुल्का उठाएर शव पोस्टमार्टमका लागि त्रिवि शिक्षण अस्पतालमा पठाएको छ । घटनाको अनुसन्धान अगाडि बढाइसकेको र घटना कसरी र किन भएको भन्ने कुरा छिटै आउने एसपी अधिकारीले बताएका छन् । करिस्मा आफ्ना दुई भाइसँग काठमाडौंमा बस्दै आएको पाइएको छ । करिस्मा उनका कक्षा ६ र १२ मा पढ्ने दुई भाइको हेरचाहका लागि काठमाडौँमै बस्दै आएको उनकी काकी सरिता सार्कीले जानकारी दिएकी छन् ।

करिस्माले गाउँकै विद्यालयमा एसईई दिएको र त्यसपछि कक्षा ११ र १२ धनगढीमा पढेको सरिताले बताएकी छन् । परिवारका अनुसार करिस्मालाई यसै वर्ष अमेरिकाको डीभी परेको थियो । उनका बुबा अम्मरबहादुर सार्की रोजगारीका लागि मलेसियामा छन् । आमा पनि असार अन्तिमतिर उपचारका लागि भारत गएकी थिइन् ।

करिस्मा र भरत साउन १५ गतेदेखि नै उक्त गेस्ट हाउसमा बसेको सञ्चालकले जानकारी दिएका छन् । गेस्ट हाउसले प्रहरीलाई दिएको जानकारी अनुसार उनीहरू १५ गतेदेखि नै सँगै बसे पनि शुक्रबार बिहान खाना खान नआएपछि खोजी गर्दा बन्द कोठाभित्र मृत भेटिएका हुन् । भरत रोजगारीका लागि भारतको मुम्बईमा थिए । चार वर्षअघि मुम्बई गएका उनी गाउँ फर्किएका थिएनन् । अहिले उनी काठमाडौं आएको पनि परिवारलाई जानकारी नभएको खुलेको छ ।

भरत र सरिता नजिकका दाजु–बहिनी भएको र गाउँमा घर पनि तल र माथि रहेको उनीहरुको आफन्तले जानकारी दिएका छन् । उनीहरू धेरै नजिक भएको हल्ला चलेपछि आफूहरुले घरमै उनीहरूलाई सम्झाएको र त्यसपछि मुम्बई गएको भरत गाउँ नफर्किएको उनीहरुको भनाइ छ । अहिले काठमाडौँ आएको पनि आफूहरुलाई जानकारी नभएको उनीहरुले बताएका छन् । घटनाबारे जानकारी पाएपछि परिवारलाई खबर गरिसकेको वडाध्यक्ष गणेशबहादुर साउदले जानकारी दिए । सोही टोल घर भएकी त्रिवेणी नगरपालिका–४ की वडासदस्य अपेक्षा सार्कीले परिवारमा खबर आइसकेको र अहिले बाहिर रहेका आफन्तलाई बोलाउने काम भइरहेको बताएकी छन् ।

घटनाको अनुसन्धान अगाडि बढाइसकेको र घटना कसरी र किन भएको भन्ने कुरा छिटै आउने एसपी अधिकारीले बताएका छन् ।

Nepal Rastra Khabar

Nepal Rastra Khabar (Digital News for Society) is a bonafide online news portal of Nepal featuring local as well as global news on finance, culture, politics, business trends, sports, and much more.

Related Articles

Check Also
Close
Back to top button