बारामा बस दुर्घटनाः ४३ जना घाइते, आठको अवस्था गम्भीर
चितवन। बाराको पूर्व-पश्चिम राजमार्गस्थित उनासी पुलमा आज बिहान बस दुर्घटना हुँदा ४३ जना घाईते भएका छन्। दुर्घटनामा अन्य ८ जना गम्भीर घाइते भएका बाराका प्रमुख जिल्ला अधिकारी शशिधर घिमिरे जानकारी दिए।
उनका अनुसार गएराति एक बजे काँकडभिट्टादेखि दाङतर्फ जाँदै गरेको ना ८ ख ११६४ नं. को बसको पट्टा भाँचिए पछि अनियन्त्रित भएर पुलबाट ८ मिटर तल खसेको थियो। घाइते सबैको उपचार स्थानीय अस्पतालमा भइरहेको छ।
सामुदायिक प्रसुती गृह अस्पताल निजगढ बारामा ३४ जनामध्ये गम्भीर छ जना र सि.टी अस्पताल निजगढ बारामा गम्भीर दुई जनासहित नौ जनाको उपचार भईरहेको ईलाका प्रहरी कार्यालय निजगढका प्रहरी निरिक्षक सुमित कुश्वाहाले जानकारी दिनुभएको छ । बसको अगाडिको पट्टा भाँचिदा दुर्घटना भएको बताइएको छ ।
त्यसैगरी हिजो राती भएको अर्को एक सवारी दुर्घटनामा मोटरसाईकल चालक सर्लाही धनकौल २ बस्ने वर्ष ३७ को दिनेश साहको उपचारका लागी बिरगन्ज लैजादै गर्दा मृत्यु भएको छ । निजगढ-८ पूर्व-पश्चिम राजमार्ग स्थित तामागढी गेट नजिक चन्द्रनिगाहर बाट पथलैयातर्फ जाँदै गरेको बा ६३ प ७३३० नं को मोटरसाईकल अनियन्त्रित भई दुर्घटना हुँदा साहको मृत्यु भएको हो ।
मोटरसाईकलको पछाडी सवार सोही ठाउँ बस्ने वर्ष ४६ को किशोरी साहको बयोधा अस्पताल बिरगंजमा उपचार भईरहेको छ ।
