फिल्म हलमा एमआरपीभन्दा बढी मूल्यमा पानीसहितका पेय पदार्थ बेच्न नपाइने

चितवन। अब फिल्म हलमा खाद्य तथा पेय पदार्थ अधिकतम खुद्रा बिक्री मूल्य (एमआरपी)मै पाइने भएको छ।

वाणिज्य,आपूर्ति तथा उपभोक्ता संरक्षण विभाग र नेपाल चलचित्र संघबीच तोकिएकै मूल्यमा अर्थात् एमआरपी अनुसार सामान बेच्ने सहमती भएको प्रवक्ता डिक बहादुर कार्कीले जानकारी दिए।

कात्तिक ५ गते भएको सहमतिमा अबबाट कुनैपनि चलचित्र हलको परिसरभित्र कुनै पनि व्यवसायीले सिलवन्दी गरिएका खाद्य तथा पेय पदार्थको प्याकेट वा बोतल उपलब्ध गराउँदा एमआरपीमा तोकिएकै मूल्यमा बिक्री गर्नुपर्नेछ।

अन्यथा, प्रचलित कानून बमोजिम कारबाही हुने विभागले जनाएको छ।