Banner NewsBanner news (with photo)ताजा समाचारदुर्घटना विशेषदेशबिचित्रमुख्य समाचारमौसम समाचारसुरक्षा/अपराधस्थानीय तहस्वास्थ्य
बाढी पहिरो अपडेट : १०० जना भन्दा बडीको मृत्यु, ६७ बेपत्ता
बाढीपहिरो र डुबानमा परी हालसम्म एक सय जना भन्दा बडीको मृत्यु भएको छ, भने ६७ जना बेपत्ता भएका छन् ।
विपद्मा परी एक सय तिन जना भन्दा बडी घाइते भएका छन् ।
बाढी पहिरोमा परी ललितपुरमा २०, धादिङमा १५, काठमाडौंमा १२, काभ्रे १०, मकवानपुर सात, सिन्धुपाल्चोक छ जना, सोलुखुम्बु पाँच, पाँचथर पाँच, भक्तपुर पाँच जनाले ज्यान गुमाएका छन् ।
गृह मन्त्रालयका प्रवक्ता ऋषिराम तिवारीका अनुसार दोलखामा तीन, सिन्धुलीमा दुई, धनकुटा दुई, महोत्तरी दुई, रामेछाप एक, झापा एक, उदयपुर एक, इलाम एक, सप्तरी एक र नुवाकोटमा एक जनाको मृत्यु भएको छ ।
बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका तथा हालसम्म तीन हजार ३९ जनाको उद्धार गरिएको उनले बताए ।
