एलन मस्कलाई मन्त्री बनाउने डोनाल्ड ट्रम्पको घोषणा

चितवन। नोभेम्बरमा हुने निर्वाचनमा आफूले जिते घरेलु विद्युतीय सवारी साधन निर्माता कम्पनी टेस्लाका सीईओ एलन मस्कलाई मन्त्रीपरिषद्मामा ठाउँ दिने अमेरिकाका पूर्वराष्ट्रपति तथा आगामी राष्ट्रपति निर्वाचनका उम्मेदवार डोनाल्ड ट्रम्पले घोषणा गरेका छन् ।

तर यस प्रस्ताव बारे उनले हालसम्म पनि कुनै पनि प्रतिक्रिया व्यक्त गरेका छैनन् । यद्यपि मन्त्री बनाउने प्रस्ताव अमेरिकाका पूर्वराष्ट्रपति तथा आगामी राष्ट्रपति निर्वाचनका उम्मेदवार डोनाल्ड ट्रम्पले गरेका हुन् ।

साथै उनले आगामी निर्वाचनमा आफू राष्ट्रपति पदमा विजयी भएमा घरेलु विद्युतीय सवारी साधन निर्माता कम्पनी टेस्लाका मालिक मस्कलाई मन्त्रीपरिषद्मा(क्याविनेटमा) ठाउँ दिने बताएको भन्दै सीएनबीसीले आफ्नो वेबसाइटमा समाचार छापेको छ ।

सन् २०२१ को जनवरी ६ मा क्यापिटल हिलमा भएको दंगापछि ट्रम्पलाई एक्स प्लेटफर्मबाट दुई वर्षको लागि प्रतिबन्ध लगाइएको थियो। उनै मस्कले प्रतिबन्ध फुकुवा गरेपछि ट्म्प एक्समा फर्किएका छन् ।

विद्युतीय सवारीलाई प्रोत्साहन गर्ने नीति राष्ट्रपति जो बाइडेनको भए पनि उनले टेस्लालाई स्पष्ट रूपमा बेवास्ता गरेकोमा मस्कको चित्त दुखाइ छ ।सन् २०२१ मा ईभीसम्बन्धी ह्वाइट हाउसमा भएको सम्मेलनमा ईभी बजारमा उल्लेख्य हिस्सा ओगट्ने टेस्लालाई भने निम्ता गरिएको थिएन । सोही बेलादेखि मस्क बाइडेनप्रति थप नकारात्मक बन्दै आएको अनुमान छ ।

मस्कसमेतका टेकअर्बपतिहरूको समर्थन पाइरहेका ट्रम्पले ईभीभन्दा डिजेल र पेट्रोलमा चल्ने पराम्परागत सवारीलाई प्रवर्द्धन गर्ने आशयको भाषण गरेपछि प्रविधि क्षेत्र चाहिं यतिखेर तरंगित छ ।मस्कले ट्रम्पको चुनावी अभियानलाई मासिक ४५ मिलियन  डलर चन्दा उपलब्ध गराउने प्रतिबद्धता व्यक्त गरेका छन् । मस्कलाई विश्वकै प्रभावशाली अर्बपति बनाउन महत्वपूर्ण हिस्सा रहेको टेस्लाको बजार प्रतिकुल हुने गरी अभिव्यक्ती दिएका ट्रम्पलाई मस्कले आखिर किन यतिविघ्न समर्थन गरिरहेका छन् त ?

अमेरिकी व्यापारिक पत्रिका फोर्ब्सका अनुसार ट्रम्पले ईभीमैत्री कानून उल्ट्याए नै पनि टेस्लालाई ट्रम्प राष्ट्रपति हुँदा फाइदा नै हुन्छ ।बजार विश्लेषकहरुले भने ट्रम्पको जित भएमा भने अमेरिकाको सबैभन्दा ठूलो ईभी बिक्रेता टेस्लालाई भने सकारात्मक नै रहने बताएका छन् ।