भ्रष्टाचार मुद्दामा पाँच वर्षे हदम्याद स्वीकार्य छैनः राष्ट्रिय स्वतन्त्र पार्टी(रास्वपा)
चितवन। राष्ट्रिय स्वतन्त्र पार्टीले भ्रष्टाचार मुद्दामा अनुसन्धानका लागि पाँच वर्षे हदम्याद स्वीकार्य नहुने बताएको छ । मंगलबार बसेको संसदीय दलको बैठकले यस्तो निष्कर्ष निकालेको प्रमुख सचेतक सन्तोष परियारले जानकारी दिए ।
‘भ्रष्टाचार मुद्दामा हदम्याद राख्ने कुरा स्वीकार्य छैन । भ्रष्टाचारमा हदम्याद राखेर विगतमा गरेका भ्रष्टाचारबाट उन्मुक्ति पाउने बाटोमा छ । त्यो स्वीकादैनौं ।’ उनले भने । साथै, पार्टीले जलनसम्बन्धी गैरसरकारी विधेयक दर्ता गर्ने तयारी गरेको परियारले बताए ।
उनले भने, ‘हामीले जलनसम्बन्धी गैरसरकारी एउटा विधेयकको तयारी गरेको छ । त्यो विधेयकका अन्तिम छलफल आज चलिरहेको छ । जलनसम्बन्धी विधेयक अन्तिम छलफल हुँदै छ र सम्भवतः आज नै दर्ता गछौं ।’
र, विद्युत प्राधिकरणको बक्यौतामा रकम उठाउनुपर्ने उनको भनाइ छ ।
सरकारले ल्याएको विधेयकमा ५ वर्षे हदम्याद प्रस्ताव गरिएको छ भने कांग्रेसले यसको विरोध गरेको छ ।
