पोखरामा विद्यार्थी बोकेको स्कुल बस दुर्घटना, २२ जना विद्यार्थी घाइते

चितवन। पोखराको छोरेपाटन पारी सोमबार बिहान स्कुल बस दुर्घटना भएको छ ।
साेमबार बिहान ८ बजेर ५० मिनेटकाे समयमा पोखरा-२१ कृस्तीमा एलपी देवकोटा मेमोरियल विद्यालयको विद्यार्थी बोकेको स्कुल बस दुर्घटना दुर्घटना भएको हो।

प्रहरीका अनुसार पोखरा-२१ कृस्तीमा एलपी देवकोटा मेमोरियल विद्यालयको बस विद्यार्थीसहित दुर्घटनामा परेको हो । विद्यार्थीहरुको उद्धार भइरहेको प्रहरीले जानकारी दिएको छ ।

बसमा २४ जना सवार थिए जसमध्ये २२ जना विद्यार्थी २ जना स्टाफ थिए । घाइतेमध्ये एक जनाको अवस्था गम्भीर रहेको र बाँकीको अवस्था सामान्य रहेको प्रारम्भिक जानकारी प्राप्त भएको छ । सबैलाई उपचारका लागि गण्डकी मेडिकल कलेज लगिएको छ ।

विस्तृत विवरण आउन बाँकी छ ।