सुनको मूल्यले फेरि बनायो नयाँ ऐतिहासिक रेकर्ड, प्रतितोला ९ सय रुपैयाँले बढ्यो
चितवन। मंगलबार नेपाली बजारमा सुनको मूल्यले फेरी नयाँ रेकर्ड कायम गरेको छ।
सोमबार प्रतितोला १ लाख ४६ हजार ९ सय रुपैयाँमा कारोबार भएको सुनको मूल्यले मंगलबार प्रतितोला ९ सय रुपैयाँले बढेसँगै रेकर्ड मूल्य कायम गरेको हो ।
नेपाल सुन चाँदी व्यवसायी महासंघका अनुसारमंगलबार छापावाला सुन प्रतितोला १ लाख ४७ हजार ८ सय रुपैयाँमा कारोबार भइरहेको छ ।
मंगलबार तेजाबी सुन प्रतितोला १ लाख ४७ हजार १ सय रुपैयाँमा कारोबार भइरहेको छ । सोमबार तेजाबी सुन प्रतितोला १ लाख ४६ हजार २ सय रुपैयाँमा कारोबार भएको थियो ।
यस्तै, मंगलबार चाँदीको मूल्य प्रतितोला १० रुपैयाँले घटेको छ । मंगलबार चाँदी प्रतितोला १ हजार ८७५ रुपैयाँमा कारोबार भइरहेको छ । सोमबार चाँदी प्रतितोला १ हजार ८८५ रुपैयाँमा कारोबार भएको थियो ।
अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ ।
