४ श्रावण २०८१, शुक्रबार | Email:- info@nepalrastrakhabar.com | marketing@nepalrastrakhabar.com
मकवानपुर र पर्सामा भारी वर्षा, नदी तटीय क्षेत्रमा सतर्क रहन आग्रह
Banner NewsBanner news (with photo)ताजा समाचारदेशबिचित्रमुख्य समाचारस्थानीय तह

मकवानपुर र पर्सामा भारी वर्षा, नदी तटीय क्षेत्रमा सतर्क रहन आग्रह

काठमाडौं । देशका केही स्थानमा अहिले भारी वर्षा भइरहेको छ । मकवानपुर, पर्सा, उदयपुरलगायत स्थानमा भारी वर्षा भइरहेको छ ।

पछिल्लो तीन घण्टामा मकवानपुरको सिलिंगेमा भारी वर्षा मापन भएको छ । कर्रा, लोथरलगायत क्षेत्र भएर बहने स–साना नदीहरूको बहाव बढ्ने जल तथा मौसम विज्ञान विभागले जनाएको छ ।

Nepal Himalayas Tours and Travel

र, थप वर्षा हुनसक्ने भएकाले सो क्षेत्र भएर बहने अन्य साना नदीमा आकस्मिक बहाव हुनसक्ने र डुबान भइरहने होचा स्थान र तटीय क्षेत्रमा सतर्कता अपनाउन पनि महाशाखाको आग्रह छ ।

पछिल्लो तीन घण्टामा चितवनको शक्तिखोर र कल्याणपुर आसपासका क्षेत्रमा पनि भारी वर्षा भइरहेको छ ।

यस्तै पर्साको ठोरी र आसपासका क्षेत्रहरूमा पनि भारी वर्षा मापन भएको छ । त्यसैले रिउ खोलालगायत क्षेत्र भएर बग्ने स–साना नदीहरूको बहाव बढ्ने भन्दै विभागले तटीय क्षेत्र र डुबान भइरहने होचा भू–भागहरूमा बस्नेले सतर्कता अपनाउनुपर्ने जनाएको छ ।

आज प्रदेश १, मधेस प्रदेश, बागमती प्रदेश, गण्डकी र लुम्बिनी प्रदेशका एक वा दुई स्थानमा भारी वर्षाको पनि सम्भावना रहेको पनि महाशाखाले जनाएको छ।

उदयपुरको सदरमुकाम गाइघाट र आसपासका क्षेत्रमा पनि भारी वर्षा भएको छ । त्रियुगा खोलाको गाइघाट जलमापन केन्द्रमा जलसतहले सतर्कता तह पार गरेको छ ।

Nepal Rastra Khabar

Nepal Rastra Khabar (Digital News for Society) is a bonafide online news portal of Nepal featuring local as well as global news on finance, culture, politics, business trends, sports, and much more.

Related Articles

Leave a Reply

Your email address will not be published. Required fields are marked *

Back to top button