कोलकोता नाइट राइडर्स आइपिएलको फाइनलमा
कोलकोताले सनराइजर्स हैदरावादलाई ८ विकेटले पराजित गर्दै फाइनलमा पुगेको हो ।
काठमाडौँ । कोलकोता नाइट राइडर्स इण्डियन प्रिमियर लिग (आइपिएल) को फाइनलमा पुगेको छ ।
मंगलबार राति सम्पन्न आइपिएल को पहिलो क्वालिफायरमा कोलकोताले सनराइजर्स हैदरावादलाई ८ विकेटले पराजित गर्दै फाइनलमा पुगेको हो ।
सनराइजर्सले दिएको १६० रनको लक्ष्य पछाएको कोलकोताले १३.४ ओभरमा २ विकेट गुमाउदै लक्ष्य पुरा गरेको थियो ।
यसअघि सनराइजर्सले १९.३ ओभरमा अलआउट हुदै १५९ रन बनाएको थियो ।
योसहित कोलकोता चौथो पटक आइपिएलको फाइनलमा पुगेको छ । यस अघि २०१२ र २०१४ मा उपाधि जितेको कोलकोता २०२१ मा उपविजेता बनेको थियो ।
हारको बावजुद सनराइजर्स हैदरावादको यात्रा अझै सकिएको छैन् । यो टोली दोस्रो क्वालिफायरमा खेल्ने छ । जसमा हैदरावादले एलिमिनेटर खेल जित्ने टोलीसँग खेल्नेछ ।
एलिमिनेटर खेल राजस्थान रोयल्स र रोयल च्यालेन्जर्स बैंगलोरबीच आज अहमदाबादमा हुनेछ । यो खेल राति पौने ८ बजे सुरुहुने छ ।
