१६ जेष्ठ २०८१, बुधबार | Email:- info@nepalrastrakhabar.com | marketing@nepalrastrakhabar.com
राजमार्ग छेउका बिरूवा काटने ९ जनालाई तिलोत्तमाले तिरायो ४५ हजार जरिवाना
Banner NewsBanner news (with photo)ताजा समाचारदेशमुख्य समाचारलुम्बिनी प्रदेशसुरक्षा/अपराधस्थानीय तह

राजमार्ग छेउका बिरूवा काटने ९ जनालाई तिलोत्तमाले तिरायो ४५ हजार जरिवाना

बुटवल । बेलहिया- बुटवल  सडकको किनारमा लगाईएका रुखहरु काट्नेबाट रुपन्देहीको तिलोत्तमा नगरपालिकाले जरिवाना असुल गरेको छ।

गलत अफवाह फैलाउंदै ६ लेन सडकको दायावाया र बुद्ध परिपथमा लगाईएका छतिवन एस्टोनियाका रुखहरु काट्न थालेपछि नगरपालिकाले रुखहरु काट्नेको पहिचान गरि जरिवाना असुल गर्न थालेको हो।

केहि दिन पहिले ६ लेन सडक र बुद्ध परिपथमा लगाईएका एस्टोनियाका रुखहरु काटिएपछि नगरपालिकाले रुख काट्नेहरुको खोजि गरेको थियो।

रुख काट्नेहरुको पहिचान खुलेपछि जनही ५ हजारका दरले हालसम्म ९ जनाबाट ४५ हजार रुपैया जरिवाना लिईएको नगरपालिकाले जनाएको छ।

६ लेन सडक निर्माणसंगै सडक किनारमा लगाईएका एस्टोनियाका बोटहरुका बारे नकारात्मक हल्ला फैलाईएपछि सडक किनारका कतिपय स्थानीयले यसअघि पनि हुर्किसकेका बोटहरु काट्ने गरेका थिए।

नगरपालिकाले पांचवर्ष पहिले नै सुन्दर र हरियाली तिलोत्तमा बनाउने अभियान संगै सडक किनारमा रुख रोप्ने र सरसफाई अभियान संचालन गरेको थियो। नगरवाशीको अग्रसरतामा ५ बर्ष पहिले लगाएर हुर्किसकेका बोट काटेर नगरपालिकाको अभियानलाई नै विफल पार्न खोज्नेहरुलाई कारवाही गरिएको नगरपािलकाले बताएकाे छ ।

सडक किनारमा लगाईएका एस्टोनियाको पात तथा बोक्राले गर्भवती महिला र पशुचौपायाको गर्भपतन गराउने, यसको हावाले समेत मानिसको स्वास्थ्यमा प्रतिकुल असर पुर्याउने गलत हल्ला फैलाएपछि नगरपालिकाले यसको परिक्षण समेत गरेको जनाएको छ।

Nepal Rastra Khabar

Nepal Rastra Khabar (Digital News for Society) is a bonafide online news portal of Nepal featuring local as well as global news on finance, culture, politics, business trends, sports, and much more.

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your Ad Blocker