१५ जेष्ठ २०८१, मंगलवार | Email:- info@nepalrastrakhabar.com | marketing@nepalrastrakhabar.com
विद्युत् प्राधिकरणले ६० अर्ब रुपैयाँको शेयर निष्कासन गर्ने - Nepal Rastra Khabar
Banner NewsBanner news (with photo)अर्थतन्त्रअर्थव्यवस्थाताजा समाचारदेशमुख्य समाचारराजनीति

विद्युत् प्राधिकरणले ६० अर्ब रुपैयाँको शेयर निष्कासन गर्ने

काठमाडौँ । नेपाल विद्युत् प्राधिकरणले सर्वसाधारणका लागि ६० अर्ब रुपैयाँको प्राथमिक शेयर जारी गर्ने भएको छ।

प्राधिकरणले नेपाल विद्युत् प्राधिकरण ऐन, २०४१ बमोजिम संस्थाको सेयर सर्वसाधारणमा जारी गर्ने प्रस्ताव अर्थ मन्त्रालयमा पेश गरेकोजनाएको छ। प्राधिकरणको चुक्ता पूँजी करीब तीन खर्ब रुपैयाँ कायम गरी त्यसको १० प्रतिशत शेयर सर्वसाधारणमा निष्कासन गरिनलागेको हो।

किताबी मूल्यमा प्रिमियम थपेर प्राधिकरणले शेयर निष्कासन गर्नेछ। प्रिमियम सहित करीब ६० अर्ब रुपैयाँ बराबरको प्राथमिक शेयरसर्वसाधारणलाई निष्कासनको प्रस्ताव गरिएको प्राधिकरणले विज्ञप्ति मार्फत जनाएको छ।

प्राधिकरणको शेयरको प्रतिकित्ता किताबी मूल्य करीब १२५ रुपैयाँ कायम गर्ने त्यसमा त्यति नै रकम प्रिमियम थप गरी शेयरनिष्कासनको प्रस्ताव गरिएको छ। यस हिसाबले प्राधिकरणको शेयर किन्न चाहने सर्वसाधारणले प्रतिकित्ता २५० रुपैयाँ तिर्नुपर्नेछ।

कार्यकारी निर्देशक कुलमान घिसिङले संस्थाको क्रेडिट रेटिङ भइसकेकाले सरकारबाट स्वीकृति पाउनासाथ शेयर निष्कासनको प्रक्रियाअगाडि बढाइने बताए।

प्राधिकरणले यस वर्ष पनिडबल प्लसक्रेडिट रेटिङ पाएको छ। इक्रा नेपालले प्राधिकरणको क्रेडिट रेटिङ गरीइक्रा एनपी डबल प्लसस्तरको रेटिङ प्रदान गरेको हो। अघिल्लो वर्ष पनि प्राधिकरणले सोही रेटिङ पाएको थियो।

डबल प्लस रेटिङ प्राप्त गर्ने संस्थाको आफ्नो वित्तीय तथा आर्थिक दायित्व समयमै वहन गर्न सक्ने उच्च क्षमता सुरक्षित रहन्छ। डबल प्लस रेटिङ पाउने संस्थासँगको वित्तीय कारोबारमा ज्यादै न्यून ऋण भुक्तानी जोखिम हुन्छ।

इक्रा नेपालले प्राधिकरणको वित्तीय अवस्था, सम्पत्ति, व्यावसायिक तथा वित्तीय जोखिमको विश्लेषण, व्यवस्थापकीय क्षमता, सञ्चालन प्रभावकारितामा प्रभाव पार्ने आन्तरिक तथा बाह्य वातावरणीय तत्त्व लगायतको विश्लेषण गरेको थियो। त्यसका आधारमाप्राधिकरणको क्रेडिट रेटिङ गरिएको हो।

क्रेडिट रेटिङ मार्फत कुनै व्यक्ति वा संगठित संस्थाको साखको गुणस्तर सम्बन्धमा मूल्याङ्कन गर्ने तथा राय प्रकट गर्ने काम गरिन्छ।यसमा संस्थाको ऋण दायित्व भुक्तान गर्ने क्षमता सम्बन्धमा निहित जोखिमबारे सरल बुझ्न सकिने साङ्केतिक सूचकका रूपमा रायदिइन्छ।

विद्युत् उत्पादन, प्रसारण वितरणलाई सक्षम, भरपदो सर्वसुलभ गरी विद्युत् आपूर्तिको समुचित व्यवस्था गर्न सरकारको पूर्णस्वामित्वमा प्राधिकरण स्थापना गरिएको हो। प्राधिकरणले देशभित्र विद्युत् उत्पादन, प्रसारण वितरणका अतिरिक्त आन्तरिक तथासीमापार विद्युत् व्यापार पनि गरिरहेको छ।

कार्यकारी निर्देशक घिसिङले क्रेडिट रेटिङबाट संस्थाको वित्तीय स्वास्थ्य राम्रो देखिएको, ऋण तिर्न सक्ने सक्षमता देखिएको बताउँदैआन्तरिक माग धान्न हिउँदका केही महीनामा भारतबाट हुने विद्युत् आयात प्रतिस्थापन छिटै हुने हरेक वर्ष बिजुली निर्यात बढेर जानेदाबी गरे। यो सहित आन्तरिक रूपमा हुने विद्युत् खपत वृद्धि तथा प्रणालीको चुहावट नियन्त्रणमा हासिल भइरहेका सफलताले संस्थाकोनाफा बढ्दै जाने उनको भनाइ छ।

प्राधिकरणले गत आर्थिक वर्ष २०७९/८० मा १२ अर्ब ३३ करोड रुपैयाँको खूद नाफा गरेको प्रक्षेपण गरेको छ। विद्युत् आपूर्तिलाईभरपर्दो, गुणस्तरीय तथा सुरक्षित बनाउन प्रणाली सुधार तथा विस्तारका लागि आवश्यक पूँजी शेयर निष्कासन मार्फत जुटाउने घिसिङलेबताए।

Nepal Rastra Khabar

Nepal Rastra Khabar (Digital News for Society) is a bonafide online news portal of Nepal featuring local as well as global news on finance, culture, politics, business trends, sports, and much more.

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your Ad Blocker