स्याङ्जा वालिङ नगरपालिकाले थाल्यो ‘इएफटी’ मार्फत भत्ता वितरण
![](https://nepalrastrakhabar.com/wp-content/uploads/2023/08/D0E36CF8-E8B8-41CD-BC4D-AB04BBAABFB4-780x470.jpeg)
स्याङ्जा । स्याङ्जा वालिङ नगरपालिकाले सामाजिक सुरक्षा भत्ता विद्युतीय भुक्तानी प्रणाली ‘इएफटी’ मार्फत वितरण गर्न थालेको छ ।
स्याङ्जा वालिङ नगरपालिकाले आर्थिक बर्ष २०७९/८० को अन्तिम त्रैमासिक सामाजिक सुरक्षा भत्ता लाभग्राहीको खातामा ‘इएफटी’ मार्फत सिधै वितरण गरेको हो ।
भत्ता पाउने लाभग्राहीको खातामा सिधै रकम पठाउने प्रक्रिया पहिलो पटक भएको नगरपालिकाका सुचना अधिकारी ज्ञानप्रसाद अर्यालले जानकारी दिनुभयो । विगतमा बैंकको नाममा चेक पठाउने र बैंकले लाभग्राहीको खातामा रकम जम्मा गर्ने व्यवस्था रहेको थियो ।
लाभग्राहीको खातामा कोलेनिकाबाट सिधै रकम पठाउने व्यवस्था मिलाइएको र अब पालिकाले लाभग्राहीको सूची अद्यावधीक मात्रै राख्ने काम गर्ने अर्यालले उल्लेख गर्नुभयो । जिल्लाका ११ पालिकामध्ये वालिङ नगरपालिका जिल्लामै पहिलो ‘इएफटी’ मार्फत भत्ता वितरण गर्ने पालिका बनेको छ ।