८ बैशाख २०८१, शनिबार | Email:- info@nepalrastrakhabar.com | marketing@nepalrastrakhabar.com
नामिबियालाई हराउँदै नेपालको लगातार तेस्रो जित - Nepal Rastra Khabar
Banner news (with photo)खेलकुदताजा समाचारमुख्य समाचार

नामिबियालाई हराउँदै नेपालको लगातार तेस्रो जित

आइसीसी विश्वकप लीग-२ शृङ्खलामा नेपालले नामिबियाविरुद्ध दोस्रो जित हासिल गरेको छ।

यससँगै काठमाण्डूमा जारी आइसीसी विश्वकप लीग-२ त्रिकोणात्मक शृङ्खलामा नेपालले लगातार तीन खेलमा जित हासिल गरेको हो।

ती सबैमा नेपालले दोस्रो ब्याटिङ गरेर ठूलो लक्ष्य पछ्याउँदै सफलता हासिल गरेको हो।

शनिवार कीर्तिपुर क्रिकेट मैदानमा पनि नामिबियाले प्रस्तुत गरेको २७५ रनको लक्ष्य पूरा गर्ने क्रममा नेपालले अन्तिममा चौका प्रहार गर्दै २७८ बनायो।

नामिबियाले पूरै ओभर खेलेर दिएको २७५ रनको लक्ष्य नेपालले ४७ ओभर तीन बलमा पूरा गर्यो।

नामिबियाले पहिलो ब्याटिङ गर्दै ५० ओभरको खेलमा ६ विकेट गुमाउँदै २७४ रन बनाएको थियो।

जवाफमा नेपालले ब्याटिङ गर्दै सात खेलाडी गुमाएर तीन विकेटको जित हासिल गर्‍यो।

रोमाञ्चक जवाफी ब्याटिङ गरिरहेको नेपालले अन्तिम तीन ओभरमा तीन विकेट गुमाएको थियो।

एक दिन अगाडि मात्र खेलिएको खेलमा पनि नेपालले स्कटल्यान्डले दिएको २७५ रनकै लक्ष्य पार गरेको थियो।

शनिवारको दिन दर्शकले भरिभराउ कीर्तिपुरको मैदानमा ओपनर आशिफ शेख, पूर्वकप्तान ज्ञानेन्द्र मल्ल ‍‍र कुशल मल्लले उत्कृष्ट प्रदर्शन गरेका थिए।

लीग-२ को शीर्ष तीन स्थानमा रहेको नामिबियाले यसअघि खेलेका तीन खेलमा नेपाललाई पराजित गरेको थियो। एक खेल वर्षाका कारण अवरुद्ध हुन पुगेको थियो।

जितसँगै नेपालको २७ खेलबाट २४ अङ्क बनेको छ।

जितसँगै नेपाली टोली विश्वकप लीग-२ को शीर्ष पाँचमा उक्लिने बाटोमा अगाडि बढेको छ। पाँचौँ स्थानमा रहेको यूएईको २७ अङ्क छ।

Related Articles

Leave a Reply

Your email address will not be published. Required fields are marked *

Back to top button

Adblock Detected

Please off your Ad Blocker