चितवन। तनहुँ प्रहरीले भरूवा बन्दुक सहित दुईजनालाई पक्राउ गरेको छ । पक्राउ पर्नेमा देवघाट गाउँपालिका–४, आमडाँडा बस्ने ६१ वर्षीय संखबीर गुरूङ र सोही गाउँपालिका–४, खोडे बस्ने ६८ वर्षीय कृष्णबहादुर गुरूङ छन् ।
प्रहरी निरीक्षक टेकप्रसाद सुवेदीको नेतृत्वमा खटिएको ग्रामीण गस्ती टोलीले देवघाट गाउँपालिका–४ मा छापा मार्दै उनीहरूलाई नियन्त्रणमा लिएको हो ।
प्रहरीका अनुसार संखबीरको घरबाट लुकाइ राखिएको अवस्थामा एकनाले बन्दुक र त्यसको चाप (घोडा नभएको बन्दुक) बरामद गरिएको छ । यस्तै, कृष्णबहादुरको घरमा पनि लुकाइ राखिएको एकनाले बन्दुक फेला परेको थियो ।
